يا صحبي !

يا صحبي انتهت رحلت الألف ميل

وتاه الطريق مننا والدليل

حتلبس بهية عليك السواد


وتفضل تلف عليك ف البلاد


يا صوتها الجميل


وعودها النحيل

ورقة نسيمها

وهواها العليل

غناك من غناها

وحزنك فداها

يا معجون بطينها

نجومها وسماها

حتفضل تغني

يا عصفور محني

تزقزق

تشقشق

دروب التمني

وتكشف حقبقة الوطن والعباد

ويمضي الوطن والزمان الجميل

يا صحبي انتهت رحلت الألف ميل .... !

ألشاعر البرمبالي . 

انا مصري !

انا مصري

وأبويا وجدي مصريين

وغرزا جذوري جوا الطين

سنين وسنين

انا من عهد حتشبسوت

ومينا موحد القطرين

انا اللي حاربت ف اكتوبر

وحارب جدي ف حطين

انا مصري

يمين بالله انا مصري

وباكل فول وطعمية ....

.وعاشق للهرم والنيل

منيش من ارض منغوليا

ولا ف بسبوري اسرائيل

انا مصري

يا خلق يا هوه انا مصري

ومن حقي انال حقي

انا وولادي ف التعبير

انا اللي وقفت ف التحرير

انا اللي طلبت بالتغيير

انا كل التاريخ عندي

انا اللي كتبت فوق الأهرامات اسمي

ودا نقشي علي المعبد  ودا  رسمي

وانا اللي نحت   تمثالي  ودا جسمي

انا طول عمري متدين

ومش مطواع ولا هين

انا اللي امنت  بالتوحيد

وانا طول عمري خصم عنيد

وانا اللي مشيت علي المية

انا وموسي كليم الله

وانا اللي قدرت انا ويوسف

نخطي الجوع بإذن الله

وانا اللي ف كل يوم انزف

نزيف الموت

انا جيكا وانا الجندي

انا حمدين وانا موسي

انا اللي اتبح مني الصوت

ولا واحد بيسمعني

طب اشكي لمين؟

انا اللي اذا قلت رأيي صحيح

بقيت مأجور

وخاين بدي ضرب النار

قليل الدين !!

 أنا المصري !!